Back اتفاقية سلام تشابولتيبيك Arabic Alcuerdos de Paz de Chapultepec AST Acords de Chapultepec Catalan Chapultepec Peace Accords English Pacakordo de Ĉapultepeko Esperanto Acuerdos de Paz de Chapultepec Spanish Accords de paix de Chapultepec French Paco-pakti di Chapultepec IO Vrede van Chapultepec Dutch Chapultepec-fredsavtalen NB
Os Acordos de Paz de Chapultepec foron uns acordos asinados o 16 de xaneiro de 1992 no castelo do mesmo nome polos que o goberno do Salvador, presidido por Alfredo Cristiani, e a Fronte Farabundo Martí de liberación nacional puxeron fin ao cruento conflito civil salvadoreño que se desenvolveu durante a década dos oitenta do século XX.
O proceso previo de negociación contou coa mediación da ONU cuxo secretario xeral era Javier Pérez de Cuéllar.
Incluía profundas reformas nas Forzas Armadas, no Poder Xudicial, no sistema electoral, a integración na sociedade civil da guerrilla, repartición de terras entre o campesiñado e as consecuentes reformas constitucionais. Creáronse comisións e oficinas para velar polo respecto dos dereitos humanos, o seguimento do cumprimento dos acordos, así como unha Comisión da Verdade para O Salvador co fin de esclarecer os crimes.
